Соцтармакта куралдуу кол салууда Тажикстандын аскер кызматкерлерин токтотуу үчүн өзүн граната менен жардырып жиберди деп жатышкан Эламан Ураимов 29 жашта болгон. Бул маалыматты «Кактус» басылмасына Баткен облусундагы аскер кызматкерлери ырастап беришкен.
Эламан Ураимов Баткен районуна караштуу Бужум айылындагы аскердик бөлүктүн командири болгон. Ал башка офицерлер жана аскерлер менен Достук айылындагы тозотто милдетин аткарып жаткан. Маалыматтарга караганда, ал агрессорлордун көзүн тазалоо үчүн өзүн граната менен жардырып жиберген.
