Панфилов паркындагы кырсыктан кийин аттракциондордун баарынын иши токтотулду. Бул тууралуу Жаратылыш министрлигинен билдиришти.
Маалыматка караганда, кыз кулап түшкөн аттракциондун ээси 35 миң сом айыпка жыгылган.
«Атайын комиссия түзүлүп, жерине кароо жүргүзүлгөн. Алдын ала айтылган версия боюнча, аттракцион иштеп жаткан маалда эки коопсуздук куру үзүлүп кеткен. Алардын коопсуздугу текшерилгенден кийин гана иш жанданат.
Кулаган кыздын абалы оор бойдон калууда. Ага керектүү медициналык жардам көрсөтүлүп жатат. Дарыгерлердин көзөмөлүндө. Факты боюнча териштирүү башталган»,- деп айтылат маалыматта.
