Бүгүн, 23-мартта Махабат Тажибек кызына карата баш коргоо чарасы өзгөртүлүп, өлкөдөн чыкпоо жөнүндө жазуу түрүндөгү тил каттын негизинде абактан чыкты. Бул тууралуу укук коргоочу Гүлшайыр Абдирасулова билдирди.
Журналист бошотулду, бирок калган бөлүгү боюнча сот арызды канааттандырган жок. Башкача айтканда, кылмыш иши токтотулган жок жана андагы «экспертизалардын» жыйынтыктары далил катары алып салынбайт.
Махабат Тажибек кызын 2024-жылдын январь айында Temirov Live’дин он кызматкери менен бирге кармашкан. Алардын баарына массалык баш аламандыкка чакырык жасаган деген айып тагылган.
2025-жылдын 25-февралында Жогорку Сот төмөнкү инстанциялардын чечимдерин күчүндө калтырган. Махабат Тажибек кызы 6 жылга эркинен ажыратылган, Азамат Ишенбеков — 5 жылга, ал эми Айке Бейшекеева күнөөлүү деп табылып, 3 жылдык пробация алган. Актилек Капаровго Бишкек шаардык соту дагы 3 жыл пробация дайындаган, ал бул чечимге даттанган эмес. Калган жети айыпталуучу кылмыш курамы жок болгондуктан акталган.
Өзүнчө анын баласына байланышкан маселе да талкууланган — медиа каражаттарында камакка алынгандан кийин Махабат Тажибек кызын ата-энелик укуктан ажыратуу маселеси көтөрүлгөнү тууралуу маалыматтар чыккан.
Кийинчерээк, 2026-жылдын 10-мартында Жогорку Сот Махабат Тажибек кызына байланыштуу мурда кабыл алынган бардык чечимдерди жокко чыгарып, ишти кайрадан биринчи инстанциядагы сотко кароого жөнөткөн.