Президент Садыр Жапаров Кыргызстандын ардагерлер курама командасынын курамында КМШ өлкөлөрүнүн футбол боюнча ардагерлер командасы менен беттешет. Бул тууралуу президенттин маалымат катчысы Эрбол Султанбаев билдирди.
Өлкөнүн көз карандысыздыгынын 31 жылдыгына карата уюштурулган футболдук беттеш 30-августта борбор калаадагы Дөлөн Өмүрзаков атындагы стадиондо өтөт. Иш-чара концерттик программа менен коштолуп, саат 18:00дө башталат. Футболдук беттеш 20:00дө башталат.