“Сапат” эл аралык билим берүү мекемеси Кыргызстандагы окуу жайлардын ичинен биринчилерден болуп өзүнүн маскотун жарыялады. Бул тууралуу “Сапат” соцтармактагы баракчаларына бөлүштү.
Билимдүүлүктү, акылдуулукту жана инсандык лидерликти символдоштурган Snowy кыргыз табиятынын күчүн, эркиндикти жана көз карандысыздыкты белгилеген ак илбирстен шыктанып жасалды. Snowy — ак илбирске ылайыкталган жагымдуу жана назик ысым.
“Сапат” эл аралык билим берүү мекемеси Snowy окуучулар үчүн жаңы илхам булагы болуп, сапаттуу билим алууга шыктандырып, колдоо көрсөтүп, жаштарды патриоттуулукка, гумандуулукка, адеп-ахлактуулукка чакырып, алдыга умтулууга жана өз максаттарына жетүүгө үндөйт деп ишенет.