Буга чейин Министрлер кабинети маалымат таратып, “Сапат” билим берүү мекемелер тармагы “Маариф” фондунун башкаруусуна өткөнүн билдирген.
«Жаңы башкарууга өтүү процесси мыйзам чегинде. Эмгек жамааттарынын укуктарын коргоо жана окуу процессинин үзгүлтүксүздүгү кепилденет”, — деп айтылган маалыматта.
“Сапат” билим берүү мекемелер тармагы социалдык тармактагы баракчасында билдирүү калтырды. “Сапат” эл аралык билим берүү мекемесинин кийинки соттук отурумду күтпөстөн, чукул арада Түркиянын “Маариф” фондуна өткөрүлүшү мекеме жетекчилиги, мугалимдер, окуучулар жана ата-энелер үчүн күтүүсүз болду. “Сапаттын” мыйзамдуу түзүүчүлөрү катары өз укугубузду Кыргызстандын мыйзамдарынын негизинде жана эл аралык укук талаасында коргоо боюнча аракетибизди көрөбүз.