«Табигый кырсыктар айттырбай келет экен, алардын кесепетин жоюу үчүн жолчуларыбыз тынымсыз иш алып барууда». Бул тууралуу транспорт министри Тилек Текебаев соцтармактагы баракчасына жарыялады.
Нарын — Өрүк-Там унаа жолунун 28-чакырымындагы «Бурган-Суу» суусундагы 1,5 метрлик эки түтүктүн үчтөн алты звеносун суу жууп кеткен. Учурда калыбына келтирүү иштери жүрүп жатат.
Түндүк-Түштүк альтернативдик унаа жолунун Арал-Казарман учаткасында селдин кесепеттерин жоюу иштери уланууда.
Казарман — Жалал-Абад унаа жолунун «Сары-Кыр» ашуусунун 0-54-чакырымдарында кар көчкү, жер көчкүнү тазалоо боюнча иштер жүргүзүлүүдө.
Барскоон — Ак-Шыйрак унаа жолунун Сөөк ашуусунда кар эрип, жолду жеп кеткен бөлүктөрүн оңдоо иштери жүрүүдө, каттам бар.
Ош-Баткен-Раззаков унаа жолунун (эски багыты) Охна бөлүгүндө, Жийделик — Ак-Кыя жана Бел-Бөжөй унаа жолдорунда сел жүргөн.
