Массалык баш аламандыкка чакырык кылуу беренеси боюнча соттолгон Эрнис Жээнтаев апасынын тажиясына катышуу үчүн убактылуу бошотулду.
Анын оор дарт менен жабыркап жүргөн апасы бүгүн, 27-февралда каза болду. Маркумду акыркы сапарга узатуу зыйнаты эртең Ысык-Көл облусунун Темир айылында өтөт.
Бир нече гезиттерде дизайнер болуп иштеген Эрнис Жээнтаев 2025-жылдын ноябрь айында кармалган. 2026-жылдын февраль айынын ортосунда сот аны алты жылга эркинен ажыратуу өкүмүн чыгарган.