Бүгүн, 23-январда Бишкек-Ош унаа жолунун «Сосновка» постунда оор жүк ташуучу унаалардын бардык түрүнө киргизилген убактылуу чектөө саат 13:00дө алынды.
Кечээ, 22-январда Чүй облусунун Жайыл районунда саат 16:15 чамасында Бишкек-Ош унаа жолунун 127-чакырымында кар көчкү түшүп, тазалоо иш-чаралары жүргүзүлгөн. Ошого байланыштуу саат 16:20дан тартып Бишкек-Ош унаа жолунун «Сосновка» постунда унаалардын бардык түрүнө убактылуу чектөө киргизилген.