Депутат Эрулан Кокулов «Министрдин иш бөлмөсүнө кирип барбай, кезек күтпөйсүңбү? Этика деген барбы?» дегендерге жооп кылып, видеонун уландысын киргизди.
Анда Кокуловдун министрликке барганы, аны 5 мүнөт күтүп турууну суранган үчүн күтүп турганы, акыры кезек күтпөгөндөр иш бөлмөсүнө кире баштаганда, мыйзамды колдонуп киргенин көрүүгө болот.
Ал кечээ, 6-сентябрда ошол эле ишеним телефонуна чалып, ага жооп болгонуна кубанып, министрликке ыраазычылык билдирди. «Мына туугандар иштеп жатат. Бир нерсе иштеш үчүн ызы-чуу кылыш керекпи? Кыйкырып, өкүрүш керек болсо, мен күнөөлүүмүнбү? Айла жок болуп жатат. Бул элдин талабы», — деди ал.