Акылбек Жапаровдун абалы учурда канааттандырарлык. Бул тууралуу СЕРЕП МЕДИА маалымат агенттигине саламаттыкты сактоо министри Алымкадыр Бейшеналиев билдирди.
Анын айтымында, Министрлер кабинетинин төрагасы эртең мененки саат 07:30 чамасында түшкөн. «Мен эртең менен Жапаровду өзүм көрдүм. Анын оорусу стресстен, чарчоодон болот. Ооруканага түшкөндө инфаркт деп ойлогонбуз. Анализдери чыгып, кароо жүргүзүлгөн соң, ал оору четке кагылды. Азыр абалы канааттандырарлык», — деди министр.
Буга чейин Акылбек Жапаровдун Улуттук кардиология жана терапия борборуна жүрөк оорусу жана кан басымынын төмөндөшүнө байланыштуу түшкөнү маалым болгон.