18-май күнү жааган нөшөрлүү жамгырдан кийин Сулайман-Тоонун түштүк тарабындагы туристтик жолдорго таш кулап, сел жүргөн. Анын натыйжасында, көрөрмандардын коопсуздугу үчүн Сулайман-Тоого кирүүчү жолдор убактылуу жабылгандыгын билдиребиз. Бул тууралуу Маданият министрлигинен маалымдашты.
Бүгүн, 20-май күнү тоодогу туристтик жолдорду, Үңкүр музейин тазалоо иштери жүргүзүлөт. Ушуга байланыштуу, бул күндөрү туристтик жолдор менен Үңкүр музейи көрөрмандар үчүн жабык.
ӨКМ тарабынан мониторинг иштери жыйынтыкталып, коопсуздук камсыздалгандан кийин музей комплекстин иштөө режими калыбына келтирилет.
