XXIV жайкы Сурдолимпиадалык оюндарга ийгиликтүү катышкандыгы үчүн машыктыруучулар менен спортчулар сыйланды. Бул тууралуу Маданият, маалымат, спорт жана жаштар саясаты министрлигинен кабарлашты.
Президент Садыр Жапаров бүгүн, 7-июнда Бразилияда өткөн XXIV жайкы сурдолимпиада оюндарынын байге ээлери менен жолугушууда бул мелдештерде ийгиликтерге жетишкен машыктыруучуларга мамлекеттик сыйлыктарды тапшырды.
Атай кетсек, Бишкек шаарынын Раатбек Санатбаев атындагы Олимпиадалык резервинин адистештирилген балдар-өспүрүмдөр спорт мектебинин машыктыруучусу Фархад Ушуровго “Кыргыз Республикасынын дене тарбиясына жана спортуна эмгек сиңирген кызматкер” наамы тапшырылды.
Аталган спорт мектебинин грек-рим күрөшү боюнча машыктыруучусу Арам Акопянга Кыргыз Республикасынын Ардак грамотасы берилди.
Мындан сырткары, Сурдолимпиада оюндарына катышкан бир катар спортчулар менен машыктыруучуларга ыраазычылык жарыяланды.