Чүй облусунун Кемин районуна караштуу Жылтыр 115 тилкесинин 59 жаштагы тургуну үйүнөн чыгып кеткен бойдон дайынсыз болуп жатат. Бул тууралуу ӨКМге туугандары билдиришкен.
Мындан улам кечээ, 11-декабрда Кемин райондук ӨКБдан авариялык куткаруу унаасы менен 4 куткаруучу издешкен. Ал эми бүгүн кайрадан жогоруда аталган бөлүктөн 11 куткаруучу 3 милиция кызматкери менен биргеликте жел кайык, дрон аппараты менен издөөгө чыгышкан. Учурда алар агын суунун жээктеринен жана талаалардан издешүүдө.
