Тажикстандын кол салуусунан каза болгон 19 жаштагы аскер Азамат Мирзакуловдун сөөгү Ошто жерге берилди. Бул тууралуу СЕРЕП МЕДИА маалымат агенттигине маркумдун айылдаштары билдиришти.
Маалыматка караганда, ал 2003-жылы төрөлгөн. Ал Айдаркендеги Капчыгай тозотунда кызмат өтөп жүргөн. «Үйдүн кенжеси эле, ата-энеси кан жутуп отурат»,- деди айылдашы.
Жоокердин үй-бүлөсүнө Ош шаарынын мэриясы тарабынан материалдык жардам берилген.