Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутат Тазабек Икрамов Бишкектин жолдору боюнча маселе көтөрдү.
«Бишкектин жолдорундагы чуңкурларга балык бакса, же сууга түшсө болчудай. Бишкек-Ош жолун айтпай эле коёлу. Эмнеге жол салгандар сапатына карабайт? Бир жаан, кардан кийин чуңкур маселеси башталат», — деди ал.
Транспорт жана коммуникация министринин орун басары Ырысбек Бариев бул маселе министрликтин компетенциясына кирбей турганын билдирди.
«Бишкек-Ош жолу жөнүндө эмне айтууга болот? Ал жакта да абал ушундай», — деди Икрамов.
Бариевдин айтымында, Бишкек-Ош жолу 2022-жылы реконструкцияланган. «Көптөгөн аймактары капиталдык оңдоону талап кылат», — деди ал.