Таштанды чыгарууну жеке менчикке өткөрүүгө “Тазалык” ишканасынын кызматкерлери каршы чыгышты. Бул учурда алардын көбү жумушсуз калабыз деп эсептешет.
«Жаңы жетекчибиз интервью берип, бир район жеке компанияга өтөрүн айтты. Адегенде жөн эле жардам берип жатабыз, анан калкка кызмат кылабыз дешти. Мунун баары мэриянын көрсөтмөсү менен болуп жатат. Андан кийин башка аймактар да өткөрүлөт. Жарандар жумушсуз калат», — дейт «Тазалык» ишканасынын кызматкери.
Митингчилер менен Бишкек шаарынын вице-мэри Олег Попиков жолугушту. Ал жеке компания менен 14-августка чейин келишим түзүлгөнүн айтты.