Курск облусунда федералдык деңгээлдеги өзгөчө кырдаал режими, ошондой эле Брянск жана Белгород облустарында аймактык деңгээлдеги өзгөчө кырдаал режими киргизилгенине байланыштуу, элчилик Кыргыз жарандарына учурдагы абал турукташканга чейин Орусиянын аталган субъекттерине баруудан убактылуу карманууну сунуштайт. Бул тууралуу ТИМден билдиришти.
Ошол эле учурда, зарылдык келип чыкса, Кыргыз жарандары элчиликтин төмөнкү телефондоруна кайрылып, тиешелүү жардам же кеңеш алса болот: +7 (925) 2855047, +7 (925) 1155047.