Токтогул суу сактагычында суунун көлөмү азайып, жээкке адамдын сөөктөрү чыгып калып жатат. Бул тууралуу жергиликтүү тургундар социалдык тармактарга жазып чыгышты.
Алардын айтымында, сөөктөр Токтогул суу сактагычынын Үч-Терек жана Торкент айылдарынын тараптагы жээктеринде жатат.
«Кечээ 29-март күнү ата-бабалардын саалтына ылайык сөөктөр терилип, кан чыгарылып, көмүлдү. Учурда райондук администрация тарабынан жергиликтүү мекеме, ишкана өкүлдөрү менен сүйлөшүү жүрүп жатат»,-деп билдиришти жергиликтүүлөр.
Ошондой эле алардын маалыматына таянсак, буга чейин суу сактагычка жакын аймакта жайгашкан мүрзө учурда суу астында калып калган.
