Жетишилген макулдашууга ылайык, 1-июлдан 6-июлгна чейин Тажикстандын Согди облусунун Бустон шаарында кыргыз-тажик мамлекеттик чек арасын делимитациялоо жана демаркациялоо боюнча Кыргыз республикасы менен Тажикстандын өкмөттүк делегацияларынын укуктук маселелер боюнча жумушчу топторунун жана топографиялык жумушчу топторунун кезектеги жыйыны болуп өттү.
Бул жолугушуунун жүрүшүндө тараптар талкууну улантып, калган тилкелерде кыргыз-тажик мамлекеттик чек ара сызыгынын өтүшүн сыпаттоо боюнча сунуштар менен алмашышты. Тараптар бул ишти Кыргыз Республикасынын аймагында өтө турган кийинки жолугушууда улантат. Жолугушуу достуктун жана өз ара түшүнүшүүнүн кырдаалында өттү.