Улуттук коопсуздук органынын ардагери Куванычбек Касымов дүйнөдөн кайтты

СЕРЕП МЕДИА
11 месяцев ago

УКМКнын жетекчилиги, Ардагерлер кеңеши жана өздүк курамы УКМКнын Баткен облусу боюнча ардагерлеринин төрагасы, запастагы полковник Куванычбек Касымов мезгилсиз дүйнөдөн кайткандыгына байланыштуу үй-бүлөсүнө жана жакындарына терең кайгыруу менен көңүл айтат. Ал 31-январда жол кырсыгынан каза болгону маалымдалды.

Полковник Куванычбек Касымов 1964-жылы 1-январда Баткен облусунун Лейлек районундагы Ак-Суу айылында туулган. УКМКда кызматын 1994-жылдын январында баштап, оперативдүү кызматкерден тартып, УКМКнын ар кайсы бөлүмдөрүнүн жетекчилигине чейинки жолду басып өткөн. Кыргыз Республикасынын улуттук коопсуздук органдарында кызмат өтөп жүргөндө кыргыз мамлекеттүүлүгүн коргоодо улуттук коопсуздукту камсыз кылууга зор салым кошкон. 2024-жылдын 23-декабрында президент тарабынан Кыргызстан мамлекетине жана элине сиңирген зор эмгеги үчүн «Даңк» медалы менен сыйланган. Ошондой эле, кызматтык милдеттерин аткарууда көрсөткөн демилгеси жана кесипкөйлүгү үчүн улуттук коопсуздук органдарынын ар кандай мекемелик сыйлыктары жана мамлекет башчысынын Ардак грамотасы менен сыйланган.

Categories: КООМ

Related Content

Сузактагы медицина кызматкерлерине ипотекалык турак жайлар берилди

Ала-Тоо аянтын суу каптадыбы? Расмий жооп

Жол тескөөчүлөр толгоосу башталган келинди төрөтканага жеткиришти (видео)

Караколдо жаңы жылдык балатынын оту жандырылды (видео)

Дүйнөгө белгилүү ырчы Jay Sean: "Кыргызстанга биринчи жолу келип, толкунданып турам"