«Жаңы автобус 115 миң долларлык баасын канча убакытта актайт?». Бул суроону Элдар Абакиров комитетинин жыйынында берди.
Бишкек шаарынын вице-мэри Мирланбек Байгончоков автотранспорт ишканасы дотацияда экенин жана шаардык бюджеттен колдоого муктаж экенин билдирди. «Эгер биз актасын десек, тарифтерди көтөрүшүбүз керек. Мындай тарифте ал өзүн актабайт», — деди ал.
Абакиров дагы бир жолу сурады: «Балким 10 жыл, балким 20 жыл. Эсептөөлөр барбы?».
«Жол акысы 25 сом болсо, анда автобус 8-10 жылда өзүн актай алат. Бирок тетиктерге болгон баа туруктуу болсо», — деп жооп берди Байгончоков.