Япониянын Осака шаардык полиция департаменти Осака шаарында өтүп жаткан World Expo 2025 көргөзмөсүндөгү Кыргызстан павильонунун жетекчилиги менен байланышты. Кыргызстандын катчылыгы билдиргендей, павильондун жетекчилиги ал кишиге доомат коюудан баш тарткан.
18-апрелде ал адам полиция кызматкерлеринин коштоосунда окуя үчүн кечирим суроо үчүн Кыргызстан павильонуна барган. Ага кыргыз тарап жогорку даражалуу конокторго белекке берилген балдын эң жакшы жана кымбат түрлөрүнүн бирин тапшырып, ошондой эле сувенирлерди жана белектерди берген.
Павильондун өкүлдөрү окуяны түшүнбөстүк катары баалап, Осака шаардык полициясынан карыяны кармабоону суранышты.
- Япониянын Осака шаарында өткөн “Экспо-2025” жарманкесинде кыргыз балын уурдаган деп шектелген 83 жаштагы карыя кармалган. Окуя 16-апрель күнү болуп, улгайган киши «А» залында коюлган бир банка кыргыз балын (баасы 6800 иен же 4200 сом) уурдап кетүүгө аракет кылган.