ӨКМге 13-июль күнү саат 15:40 чамасында Ысык-Көл облусунун Түп районунун Кудургу айылынын пляжында 2005-жылы туулган жигит көлгө чөгүп кетти деген маалымат келип түшкөн.
Жерине Каракол шаарынын №15 өрткө каршы куткаруу бөлүмүнөн 4 куткаруучу тартылып, саат 19:30да карангы кирип кеткендигине байланыштуу издөө иштери токтотулган.
Бүгүн 14-июль күнү куткаруучулар тараптан маркумдун жансыз денесин саат 12:03тө суудан табышып, ИИМдин кызматкерлерине өткөрүп беришкен.