“Бир туугандарыбыздын баары мигрант болуп иштеп жүрүшөт. Төрөбайды мыйзамсыз баюуда шек саноого негиз жок”, — деди депутаттын бир тууган эжеси Анаркан Зулпукарова. Ал бул тууралуу бүгүн, 18-июнда Бишкек шаардык сотунун алдында өткөн митинг учурунда айтты.
Жогорку Кеңештин депутаты Төрөбай Зулпукаров «Кумтөр» иши боюнча суракка алынып, 31-майда 2 айга камакка алынган.
Анын бөгөт чарасы Бишкек шаардык сотунда каралмак. Бирок сотко анын өзү алынып келбегендиктен, отурум 23-июнга жылдырылды. Анын бошотулушун талап кылып, сот имаратынын алдына тарапташтары, жакындары чогулушту.
