Токмокто 80 жаштагы карыя эки жашы жете элек кызды зордуктоого шектелип жатат. Бул тууралуу СЕРЕП МЕДИА маалымат агенттигине Чүй ОИИБден билдиришти.
Маалыматка караганда, 19-декабрда Токмок ШИИБге 2010-жылы туулган кыздын 8 айлык боюнда бар экендиги тууралуу маалымат түшкөн. Аталган факты ШИИБге катталып, тергөө жүрө баштаган. Окуя боюнча милицияга 1987-жылы туулган келин арыз менен кайрылып, 1942-жылы туулган жаран анын 2010 жана 2008-жылы туулган кыздары менен жыныстык катнашка барганын айткан. Тергөө учурунда эки жашы жете элек кыздын 2022-жылдын жаз айларынан баштап, карыянын үйүн жыйноо үчүн барып жүргөнү аныкталган. Аталган кылмыш боюнча Жазык кодексинин 154-беренеси менен иш козголгон.
Кылмыш иши боюнча бир катар соттук-медициналык экспертизалар дайындалган. Тактап айтканда, экспертизалар дайындалып, корутундулары даяр боло элек. Ошондой эле кылмыш ишинин бардык катышуучулары окуянын чоо-жайы боюнча суракка алынды.
Окуяны Чүй ОИИБдин башчысы жана ИИМ өз көзөмөлүнө алган. Тергөө уланууда.