Бишкекте 28 жаштагы аял унаа менен киши сүзүп кетти деп шектелип кармалды. Бул тууралуу Патрулдук милициядан кабарлашты.
Маалыматка ылайык, 21-январь күнү Бишкектин Үмөталиев жана Москва көчөлөрүнүн кесилишинде белгисиз жаран унаа менен эркек кишини сүзүп кетип, окуя болгон жерден качып кеткен. Кырсык кечки саат 17:00 чамасында орун алган. 1987-жылы туурган жабырлануучу жаракат алып ооруканага жеткирилген. Ыкчам иликтөө иштеринин натыйжасында кылмышка шектүү катары 1992-жылы туулган А.А. аттуу аял кармалып, «Лексус 470» үлгүсүндөгү унаанын ээси экени аныкталды. “Факты бирдиктүү реестрге катталып, сотко чейинки териштирүү иштери башталды”,- деп айтылат маалыматта.