Айтматов районунундагы үрөй учурган үч адамды өлтүрүүгө шектүү кармоо учурунда жок кылынды. Бул тууралуу Ички иштер министрлигинен маалымдашты.
Шектүү тоо-таштын аралап качууга аракет кылып, анын кайда жүргөндүгү аныкталган. Бирок кармоо учурунда өлтүрүлдү. Айрым маалыматтарга караганда, ал маркум келиндин кайнагасы болгон.
Буга чейин милициядан 24-майга караган түнү Талас облусунун Айтматов районунун Ак-Башат айылында 27 жаштагы келиндин жана анын эки кичинекей баласынын күч колдонуп өлтүрүлгөн жансыз денелери табылганы маалымдалган. Шектүү аныкталып, Айтматов районунун Ак-Башат айылынын тургуну 1976-жылы туулган К.Н. изделип жаткан.