Бишкектеги Биринчи май райондук соту жарандык активист Мелис Аспековду 20-июлга чейин №1 тергөө абагына кармоо тууралуу чечим чыгарды. Соттук отурумдун жүрүшүндө ага дагы бир кылмыш иши козголгону маалым болгон.
Атайын кызмат 14-майда Жазык кодексинин “Алдамчылык” деген беренеси менен экинчи кылмыш ишин козгоп, тергөөчү №1 тергөө абагына которуу тууралуу сотко өтүнүч келтирген.
Тергөөнүн маалыматына ылайык, ал 2016-жылы бир жарандан батир алып, акчасын бербей койгон.