Алайда турак үйдөн өрт чыгып, 56 жаштагы эркек киши күйүп кетти. Бул тууралуу ӨКМдин басма сөз кызматынан билдиришти.
Маалыматка караганда, өрт бүгүн, 8-апрелде болжол менен саат 13:33 чамасында Алай районунун Гүлчө айылындагы борбордук базардын артында жайгашкан турак үйдөн чыккан.
“Алай райондук ӨКБнын кызматкерлери 13:40да жерине барып, саат 13:44тө өрттү курчоого алышкан. Саат 14:04тө өрттү толугу менен өчүрүшкөн. Өрттөнгөн турак үйдөн 1965-жылы туулган эркек кишинин жансыз, күйүп кеткен денеси табылып, Алай райондук ички иштер бөлүмүнүн кызматкерлерине өткөрүлүп берилди. Учурда өрттүн чыгуу себеби жана зыяны такталууда”, — деп айтылат маалыматта.
