Ат уурдоого шектелип камакка алынган төкмө акын Болот Назаровдун бөгөт чарасы каралып, узартылды. Маалыматты СЕРЕП МЕДИА маалымат агенттигине Чүй облустук сотунан билдиришти.
Маалыматка караганда, ал 16-мартка чейин камакта болот.
- 7-ноябрь күнү милицияга Беловодское айылынын тургуну арыз менен кайрылган. Арызында Чоң-Арык айылынын талаасында белгисиз эркек киши 2008-жылы туулган уулунун минип жүргөн айгырын, сүрөткө түшүп алайын деп сурап алып, анан мингенден кийин баласына күч колдонуп айгырын минген боюнча, окуя болгон жерден изин жашырып кеткенин айтып чара көрүүнү суранган. Акын бул айыптоону четке кагып, аны ушундай жол менен шылдың кылып жатышканын айткан.