«8-февраль күнү 00:30дар чамасында 2008-жылы туулган М.Ч. өзүнүн таанышы 2008-жылы туулган А.Д. менен жолугуп, пикир келишпестиктен улам уруша кетишкен. Бирок түнү үйлөрүнө тарап кетишкен. Арадан убакыт өтүп, 9-февраль саат 6лар чамасында экөө кайра көчөдөн жолугуп, А.Д. өзүнүн жанындагы ашкана бычагы менен М.Чнын көкүрөгүнүн сол жагына сайып жиберген», — деп билдирет Баткен милициясы.
Аталган факты боюнча Кылмыш-жаза кодексинин 130-беренеси (Ден соолукка оор залал келтирүү) менен катталып, тийиштүү экспертизалар дайындалган. Учурда тергөө иштери уланууда.
Баткен райондук сотунун чечими менен айыпкер А.Днын ата-энесинин көзөмөлүнө өткөрүп берилген. Милиция бул эки өспүрүм мектеп окуучулары эмес экендигин, 9-классты аяктагандан кийин мектептен чыгып кеткендигин билдирет.