Буга чейин СЕРЕП МЕДИА маалымат агенттигине Баткен ОИИБден маалымат беришип, Баткенде 35 жаштагы аял мыкаачылык менен өлтүрүлгөнүн, жолдошу асынган абалда табылганын билдиришкен.
- Милициянын маалыматы боюнча 19-июнь түнү саат 04:00 чамасында Кадамжай шаарында жайгашкан үйдө 1987-жылы туулган аял жолдошу менен өз ара пикир келишпей урушуп кетишкен. 1987-жылы туулган жолдошу жубайынын денесине ашкана бычагы менен бир нече жолу сайып, аялдын мыкаачылык менен өлтүрүлгөн жансыз денеси табылган. Кылмышка шектүү жолдошу Көтөрмө айыл аймагынын айылдарынын бириндеги бүтө элек үйүнө барып, үйдүн экинчи кабатында өзүн-өзү асып каза болгон жеринен табылган.
СЕРЕП МЕДИА маалымат агенттигине маркумдардын атын атагысы келбеген жакыны алардын артында 3 уул, 1 кызы калганын айтты. «Жолдошуна жин кириптир, окуталы десе качып жүргөн экен дешти. Экөө бири-бирин жакшы көрүп эле үйлөнүшкөн. Балдарынын улуусу 9-класс, кичинекей кызы 4 жашта. Алардын сөөгү бүгүн жерге берилди», — деди ал.