Москва шаарында УКМК тарабынан массалык баш аламандыктарды уюштурууга жана бийликти күч менен басып алууга чакырык жасаган Кыргыз жараны кармалды. Бул тууралуу УКМКдан билдиришти.
Кылмыш-жаза кодексинин 327-беренеси (бийликти күч менен басып алууга ачык чакырыктар) боюнча козголгон кылмыш ишинин алкагында көрүлгөн ыкчам-иликтөө иш-чараларынын жүрүшүндө, өлкөдөн тышкары жүрүп, тенденциялуу жана чагымчыл маалыматтарды, анын ичинде массалык башаламандыкка жана андан кийин бийликти күч менен кулатууга/ басып алууга чакырыктарды жарыялаган Фейсбук социалдык тармагынын активдүү колдонуучусу – 1986-жылы туулган Кыргыз жараны мамлекеттик жана мамлекеттер аралык издөөгө алынган.
Көрүлгөн ыкчам-издөө иш-чараларынын жүрүшүндө ал Орусиянын аймагынан кармалып, Кыргыз Республикасынын аймагына жеткирилген. Соттун санкциясынын негизинде шектүү 20-ноябрга чейин УКМКнын Жалал-Абад облусу боюнча башкы башкармалыгынын тергөө абагына киргизилди. Тергөө иштери жүрүп жатат.