Кечээ, 7-июнь күнү Бишкек-Торугарт унаа жолунда саат 17:30дар чамасында кайгуул унаасы Дэу Нексия жана ВАЗ 2114 унааларынын катышуусунда жол кырсыгы болду. Жол кыймылынын коопсуздугун камсыздоо башкармалыгынын басма сөз кызматынын маалыматы боюнча, кырсыкта каза болгондор катталган жок. Кырсык болгон учурда кайгуул унаасы жол кыймылынын эрежесинин бардык талаптарын сактоо менен бурулууну көздөгөн, бирок артта келе жаткан ВАЗ унааны сүзүп алган. Алдын ала маалымат боюнча, ВАЗ жогорку ылдамдыкта келе жаткан.
Азыркы учурда эки унаа тең бардык жагдайлар такталганга чейин айып аянтына токтотулду.