Бишкекте 14 жаштагы кызды зордуктоого шектелген жаран изделип жатат. Бул туууралуу СЕРЕП МЕДИА маалымат агенттигене Свердлов РИИБден билдиришти.
Маалыматка караганда, 12-январда милицияга жаран кайрылып, 9-январга караган түнү 2008-жылы туулган кызын зордуктап кеткен белгисиз адамга чара көрүү өтүнүчү менен кайрылган.
Аталган окуя Бишкек шаарынын Свердлов районунун Ички иштер башкармалыгынын Тергөө кызматы тарабынан Кылмыш-жаза кодексинин 154-беренеси (зордуктоо) боюнча кылмыш иши козголуп, бардык экспертизалар дайындалган. Учурда шектүүнүн жүргөн жерин аныктоого жана кармоого багытталган бардык зарыл болгон тергөө амалдары жана издөө иш-чаралары жүргүзүлүүдө.
«Бул иш Бишкек шаарынын Ички иштер башкы башкармалыгынын жетекчилигинин көзөмөлүндө»,- деп айтылат маалыматта.