Кайгуул кызматынын издөө бөлүмү жөө жүргүнчүнү сүзүп, ооруканага жеткирип, качып кетүүгө шектелген жаранды кармады. Бул тууралуу аталган кызматтан билдиришти.
14-июлда болжол менен саат 14:10 чамасында белгисиз айдоочу унаа менен Жаш Гвардия гүлбагы менен Жибек-Жолу көчөлөрүнүн кесилишинен унааны артка айдап жатып, 1969-жылы туулган аялды сүзүп, кийин ооруканага жеткирип, андан ары качып кеткен.
Бул факты боюнча Кайгуул кызматынын издөө бөлүмү ыкчам издөө иш-чараларын жүргүзүп, кылмышка шектүү катары Деу-Нексия үлгүсүндөгү унаанын 1970-жылы туулган айдоочусун аныктап, Бишкек ШИИББдин Жол кырсыктарын тергөө боюнча Тергөө кызматына өткөрүп беришкен.