Милициянын кайгуул-күзөт кызмат полкунун кызматкерлери баңгизат таратууга шектүүлөрдү кармашты. Бул тууралуу Бишкек ШИИБден билдиришти.
7-март күнү саат 00:40 чамасында Бишкек ШИИБдин МККК полкунун кызматкерлери тарабынан Көл жана Беларус көчөлөрүнүн кесилишинде баңгизат заттарын таратуу менен алектенип жүргөн шектүүнүн кармалганы тууралуу билдирүү түшкөн. Алардын маалыматында, окуя болгон даректе кайгуул учурунда белгисиз эки адамдын күмөн жараткан аракеттерди жасап жатканын байкашкып, дароо текшерүүгө алышкан. Тергөө ыкчам тобу чакырылып, алардын 2006-жылы туулган Ш.Т. жана 2005-жылы туулган Э.С. экендиги аныкталган. Алардын жанынан жыты бар, баңгизат сыяктуу оролмолор табылган. Жыйынтыгында шектүүлөр ошол аймактын ар кайсы жерлеринде катылган баңгизаттарды алып чыгышкан. Жалпы саны 17 даана, салмагы 75 граммды түзгөн.
Шектүүлөр Тергөө кызматына жеткирилип, убактылуу кармоочу жайына киргизилген. Аларга карата Октябрь райондук сотунун чечими менен баш коргоо чарасы каралып, Бишкек шаарынын №1 Тергөө абагына камакка алынды.
