Милициянын кайгуул кызматкерлери чала таанышына бычак сайып, из жашырууга аракет кылган жаранды кармады. Бул тууралуу аталган кызматтан билдиришти.
Кечээ, 4-ноябрда саат 02:50 чамасында Бишкек ШИИБдин “102” кызматына «Черепки-2 көчөсүндөгү үйлөрдүн биринде жолдошумду бычак менен сайып салды» деген маалымат келип түшкөн. Айтылган дарекке ошол замат Милициянын кайгуул кызматкерлери барган. 1998-жылы туулган келин арыз менен кайрылып, анда саат 03:00 чамасында арыз ээсинин жолдошун чала тааныш жаран уруша кетип, курсагына бычак менен сайып, качканга аракет кылганын айткан. Чакыруу менен келген Милициянын кайгуул кызматкерлери ыкчам кармоо иш-чараларын жүргүзүп, кылмыш изи сууй электе кылмышка шектүү катары 1990-жылы туулган жаранды кармашып, Биринчи Май РИИБдин Тергөө кызматына жеткиришти. Бул факты боюнча Биринчи Май РИИБ тарабынан Жазык кодексинин 138-беренесинин (ден соолукка оор зыян келтирүү) негизинде сотко чейинки өндүрүшкө алынды.