Нөшөрлөп жаап жаткан жамгырдан улам 22-март күнү саат 10:00 чамасында Бишкек шаарынын Свердлов районунун Ибраимов көчөсүндөгү 2 үйдүн короосун, 1 үйдүн жер төлөөсүн жана короосун суу каптады. Бул тууралуу ӨКМден билдиришти.
Жеринде ӨКМдин Бишкек шаары боюнча башкармалыгынын Свердлов районунун Өзгөчө кырдаалдар бөлүмүнүн 5 кызматкери 1 мотопомпа, Свердлов муниципалдык администрациясынын жетекчилиги тарабынан 5 кызматкер, «Бишкек жашыл чарба» ишканасынан 6 кызматкер жана 1 Хово тартылып, Ибраимова көчөсүндөгү турак үйлөрдүн короосуна кирген суулар сордурулуп, көчө тазаланууда.
