Соната унаасынын айдоочусу кишини бычак менен уруп, андан кийин тебелеп кеткен. Бул тууралуу жабырлануучунун инисимин деген адам айтып, видео жарыялаган.
Окуя Бишкектеги Чекиш-Ата районунда болгон. Окуя боюнча Свердлов РИИБ маалымат таратып, адам өлтүрүүгө аракет кылуу беренеси менен кылмыш иши козголгонун билдирди.
Маалыматка караганда, окуя 14-майга караган түнү саат 03:00 чамасында болгон. Жабырлануучу 2008-жылы туулган жаран экени аныкталган. Шектүү катары 2007-жылы туулган жаран кармалып, убактылуу кармоочу жайга киргизилген.
