Бишкек шаарынын ИИББнын жана Ленин РИИБдин ыкчам кызматкерлери тарабынан зордуктоого аракет кылууга шектүү кармалды. Бул тууралуу Ленин райондук милициясынан маалымдашты.
24-ноябрда К.Г. аттуу жаран милицияга белгисиз адамга карата чара көрүү арызы менен кайрылган. Анда ошол эле күнү саат 8:47 чамасында Жибек-Жолу менен Манас проспектисинин кесилишинде анын 2008- жылы туулган, жашы жете элек жээнине кол салып, зордуктоого аракет кылганы айтылган. Андан соң белгисиз тарапка качып кеткен. Аталган факты боюнча Тергөө кызматы тарабынан Кылмыш-жаза кодексинин 37,154-беренесине (Зордуктоого аракет кылуу) ылайык кылмыш иши козголгон.
Жүргүзүлгөн иликтөө жана ыкчам-издөө иш-чараларынын жүрүшүндө, милиция кызматкерлери тарабынан кылмышка шектүү деп 1981-жылы туулган Д.Ж. аттуу жаран кармалып, Тергөө кызматына жеткирилди. Ал Бишкек ШИИББнын убактылуу кармоочу жайына киргизилип, ызыркы учурда тергөө иштери уланууда.