Бишкекте көп кабаттуу үйдүн чатырынан чыккан өрт чектөөгө алынды. Бул тууралуу ӨКМден билдиришти.
Учурда тилсиз жоону толук өчүрүү иши жүрүүдө. Өрттү өчүрүүгө саат 12:25тен тарта Өзгөчө кырдаалдар министрлигинин Өрткө каршы куткаруу бөлүктөрүнөн жалпы 6 күжүрмөн эсеп, 1 шаты, 1 АКП (50 метр бийиктикке көтөрүлүүгө ылайыкталган шаты), 1 суу ташуучу унаа, куткаруу кызматынан 5 куткаруучу эшикти ачуу үчүн тартылган.
Ошондой эле ӨКМдин Кризистик кырдаалдарда башкаруу борборунан ыкчам топ жана Бишкек шаардык башкармалыгынын ыкчам нөөмөт кызматы тартылган. Алдын ала мааалымат боюнча жабыркагандар жок.