Бишкекте күйүүчү май сакталган кампадан чыккан өрт боюнча тергөө башталды. Бул тууралуу Бишкек ШИИБден билдиришти.
«Аталган факты Биринчи Май РИИБге каттоого алынып, тиешелүү экспертизалар дайындалды. Тергөө иштери башталды», — деп айтылат маалыматта.
Бүгүн Биринчи Май районунун Тимирязев көчөсүндө жайгашкан күйүүчү май сактоочу кампадан өрт чыкты. Өрт саат 10:51де толук өчүрүлдү. Жабыркагандар жана каза болгондор катталган жок.