Ибраимов көчөсүндө «С легким паром» мончосу жайгашкан 6 кабаттуу турак үйдүн чатырынан өрт чыккан. Бул тууралуу ӨКМден билдиришти.
Өрттү өчүрүүгө 4 бөлүм, 2 автошаты, 1 суу ташуучу унаа жана штаб, ыкчам топ тартылган. Тургундарды эвакуация иштери жүргүзүлгөн. Ошондой эле ИИМ кызматкерлери, Тез жардам кызматынан бригада тартылган. Өрт саат 07:35те чектөөгө алынып, толук 11:45те өчүрүлгөн.
Өрттүн аянты болжол менен 800 чарчы метр күйгөн. Алдын ала маалымат боюнча жабыркагандар жок. Өрттүн келип чыгуу себеби такталууда.