Социалдык тармактарга бетон аралаштыргычы бар унаа менен скутердин катышуусундагы жол кырсыктын видеосу тарады. Бишкек ШИИБден кырсык тууралуу маалымат беришти.
Маалыматка караганда, 10-сентябрда саат 11:45 чамасында Howo үлгүсүндөгү унаанын 2000-жылы туулган айдоочусу Жайыл Баатыр менен Шералиев көчөсүнө бурулуп жатып, скутер менен сүзүшкөн. Аталган факты боюнча териштирүү башталган. Жерине барган милиция каза болгон скутердин айдоочусу 2007-жылы туулган жаран экенин аныкташкан. Тергөө уланууда.