Бишкекте кечээ дагы бир өрт кырсыгы катталганы жана андан бир адам каза болгону маалымдалды. Анда шаардагы үйлөрдүн биринде жылытуучу меш жарылып, ооруканага 2 чоң киши жана 5 бала күйүк менен жеткирилген. Алардын баары бир үй-бүлөнүн мүчөлөрү экендиги айтылууда.
Бүгүн 2 чоң кишинин бири 34 жаштагы аял реанимацияда каза болуп калды. Балдардын клиникалык бейтапканасында жаткан 4 баланын абалы канааттандырарлык. Травматология жана ортопедия илим изилдөө борборуна жеткирилген 34 жаштагы эркек киши менен 13 жаштагы өспүрүмдүн абалы орто.
Азырынча кырсыктын келип чыгуу себептери белгисиз.