Бишкектеги 12-кичи районунда жайгашкан 9 кабаттуу үйдөн чыккан өрттөн 20 адам куткарылды. Бул тууралуу ӨКМден билдиришти.
Маалыматка караганда, өрт саат 15:04тө толук өчүрүлгөн. Тилсиз жоо менен күрөшүүгө саат 14:03тө Октябрь райондук №5 ӨКБдан 1 күжүрмөн эсеп жана АЛ-31 автошаты тартылган. Куткаруучулар тарабынан 20 адам эвакуацияланып, 4 адам Тез жардам кызматына кайрылган.
Өрт 9 кабаттуу турак үйдүн 3-кабатынан чыгып, батирдин болжол менен 60 чарчы метр аянты күйгөн.