Бишкекте алдамчылыкка шектелген жаран кармалды. Бул тууралуу Октябрь РИИБден билдиришти.
Маалыматка караганда, 17-мартта милицияга жаран кайрылып, 2 киши андан 65 миң доллар жана 25 миң доллар турган Мерседес-Бенц унаасын алганын айткан. Алар бул акчага эки батир бермек болгон. Келтирилген чыгым 8 миллион 300 миң сомду түзгөн.
Аталган факты боюнча кылмыш иши козголгон. Кылмышка шектелип, 1989-жылы туулган жаран кармалды. Милиция анын шеригин издеп жатат.