Бишкек шаарынын тургуну өспүрүмдү уулуна карата ыплас мамиле кылган деп айтыптап жатат. Бул тууралуу Ленин РИИБден билдиришти.
Маалыматка караганда, окуя 5-октябрда саат 15:30 чамасында жаңы конуштардагы үйлөрдүн биринде болгон. Шаар тургунунун айтымында, жашы жете элек кошунасы 2016-жылы туулган уулуна ыдык көрсөткөн. Бул факты Кылмыш-жаза кодексинин 165-беренеси менен катталган. Тергөө учурунда милиция кызматкерлери мыйзамдуу өкүлүнүн катышуусунда 14 жаштагы өспүрүмдү суракка алышкан. Ал эч кандай ыплас аракеттерди жасабаганын билдирген.
РИИБдин басма сөз кызматы соттук-медициналык экспертизанын корутундусуна ылайык, балага карата ыплас аракеттерди жасоо фактысы тастыкталбаганын белгиледи. Тергөө уланууда.